Mei Liadabuach - Fria oda schbäda muass an vo uns sei gloa

Das ist die Seite von Gustav Freudmann / Mei Liadabuach

Fria oda schbäda muass an vo uns sei gloa

(One Of Us Must Know (Sooner Or Later)/Bob Dylan)

I woidt nie sei zu dia so grauslich.
Nimms ned beasenlich, bidte dua des ned.
I woidt di a nie mochn draurich.
Du woasd hoid grod do und daunn is grennd voi bled.
Wiasd hosd gsogd baba zu dein Freind und hosd glochd,
hob i glaubd, i häds scho vaschdaundn guad
und du wiasd wieda kumman zruck, boid amoi.
I hob ned gwussd, doss des fia ewich gödtn duad.

Nua, fria oda schbäda, muass an vo uns sei gloa,
du hosd nix dau, eis des, wosd duan hosd soin.
Jo, fria oda schbäda, muass an vo uns sei gloa,
zu dia zuwekumman woas, wos i hob woin.

I hobs ned gseng, wosd ma zagn häsd kennan,
weu hindta dein Schal, woas vaschdeckd dei Gsichd.
I hobs ned gseng, wiasd mi woidtasd kennan.
Du hosd gsogd, es is so und i hobs glaubd, de Gschichd.
Wiasd ma daunn gflisdtad hosd, in meine Uan
und hosd gfrogd, gehsd fuadt jeds mid mia oda mid ia,
hob i glaubd, doss i nix vaschdeh ned kau duan,
hob goa ned begriffn, du bisd no gla eis wia.

Nua, fria oda schbäda, muass an vo uns sei gloa,
du hosd nix dau, eis des, wosd duan hosd soin.
Jo, fria oda schbäda, muass an vo uns sei gloa,
zu dia zuwekumman woas, wos i hob woin.

I hobs ned gseng, wias zum Schneibn hod augfaungd.
I hob nua mea dei Schdimm ghead und sunsd nix.
I hobs ned gseng, wo mia zwa woan auglaungd.
Du hosd gsogd, du waaßdas und i hobs glaubd fix.
Wia_r_i mi hob endschuidigd schbäda, hosd ma dazöhd,
des woa nua_r_a Schmäh und du bisd söba valuan.
Und wiasd ma daunn hosd ausgrodsd meine Augn,
hob i da gsogd, i woidt da nie wos Besas duan.

Nua, fria oda schbäda, muass an vo uns sei gloa,
du hosd nix dau, eis des, wosd duan hosd soin.
Jo, fria oda schbäda, muass an vo uns sei gloa,
zu dia zuwekumman woas, wos i hob woin.